‘हनी बनी’ बाट अलग भए अनमोल
चलचित्र साइन गर्दै छाड्दै गर्ने क्रमलाई निरन्तरता दिँदै अनमोल केसीले दिवाकर भट्टराईले निर्देशन गर्न लागेको चलचित्र ‘हनी बनी’ पनि छाडेका छन् । निर्देशक दिवाकर भट्टराईले अनमोल चलचित्र नरहने खबर पुष्टि गरे ।
‘ए मेरो हजुर ४’को प्रचार प्रचार चलिरहँदा अनमोल केसीले यो चलचित्र साइन गरेका थिए । तर सुटिङको मुखमा आएर अनमोल यो चलचित्रबाट अलग भएका हुन् ।
‘चलचित्रको चरित्र पोट्रे गर्ने कुरामा अनमोलले अलि असहज महसुस गरे । सोही कारणले हामीले उनलाई रिलिज गर्ने निर्णय गरेका हौँ’ दिवाकरले भने ।
दिवाकरले चलचित्रमा अनमोललाई प्रतिस्थापन गर्ने कलाकार पनि लगभग फाइनल भएको र कागजी सम्झौतापछि सार्वजनिक गरिने बताए । दिवाकर आउँदो बिहीबार सुटिङको तयारीका लागि लन्डन प्रस्थान गर्दैछन् । नमोलले यसअघि ‘ग्याङस्टर ब्लुज’, ‘ब्याचलर बन्टी’, ‘धूपौरे’ आदि चलचित्र पनि सम्झौता पछि पनि छाडेका थिए ।