एमालेको चुनावी अभियान आजदेखि सुरु
कार्तिक १८, २०७९
काठमाडौ, १८ कात्तिक ।
नेकपा एमालेले आजदेखि देशव्यापी चुनावी अभियान सुरु गर्दैछ । एमालेले चुनावी अभियान सुदूरपश्चिमको दार्चुलाबाट सुरु गर्न लागेको हो । पूर्व प्रधानमन्त्री तथा पार्टी अध्यक्ष केपी शर्मा ओलीले दार्चुला सदरमुकाम खलङ्गामा आयोजित चुनावी सभालाई सम्बोधन गर्दै अभियानको शुभारम्भ गर्ने एमालेले जनाएको छ ।
अभियानको सुरुवात गर्न हिजो ओली धनगढी पुग्नुभएको छ । उहाँ आज बिहान ११ बजे हेलिकोप्टरमार्फत दार्चुला जाने कार्यतालिका छ । अध्यक्ष ओलीले आज नै बैतडीको पाटन र कञ्चनपुरको महेन्द्रनगरमा आयोजना हुने चुनावी सभालाई पनि सम्बोधन गर्ने तय भएकोएमालेले जनाएको छ ।
