साफ च्याम्पियनसीप फुटबल : माल्दिभ्सलाई बराबरीमा रोके नेपाल फाइनलमा
असोज २७, २०७८
काठमाडौं, असोज २७ : माल्दिभ्समा जारी साफ च्याम्पियनसीप फुटबलमा आज फाइनल पुग्ने टोलीको टुङ्गो लाग्ने छ ।
आज लिगको अन्तिम खेलमा नेपालले मालेस्थित नेसनल रंगशालामा दिउँसो ४ः४५ बजे बंगलादेशसँग तथा माल्दिभ्सले भारतसँग भिड्दै छ । आजै भारत र माल्दिभ्सबीच पनि ९ः४५ बजे खेल हुँदैछ ।
६-६ अंक जोडेका नेपाल र माल्दिभ्सलाई बराबरी मात्रैले पनि फाइनलमा पुर्याउने छ भने भारत र बंगलादेशलाई भने जितको विकल्प छैन । प्रतियोगितामा नेपाल ३ खेलमा ६ अंक जोडेर दोस्रो स्थानमा रहेको छ । अब नेपाललाई फाइनल पुग्न मात्र एक अंकको आवश्यकता छ । ६ अंक नै भएको माल्दिभ्स गोल अन्तरमा अघि रहँदै शीर्ष स्थानमा छ ।
५ अंक जोडेको भारत तेस्रो तथा ४ अंक जोडेको बंगलादेश चौथो स्थानमा छ । नेपालले सुरुआती दुई खेलमा लगातार जित निकालेको थियो । माल्दिभ्सलाई १–० ले हराएको नेपालले श्रीलंकालाई ३–२ ले हराएको थियो ।
तेस्रो खेलमा गत आइतबार नेपाल भारतसँग १–० ले पराजित भएको थियो ।
