देशले नयाँ चालक खोजेको छ, आजैबाट संसदीय दलको निर्वाचनको तयारी थाल्छु : गगन थापा

मङि्सर ०६, २०७९     सम्पूर्ण कुरा

नेपाली कांग्रेसका महामन्त्री गगन थापाले आफूले आजैबाट संसदीय दलको निर्वाचनको तयारी थाल्ने बताएका छन् ।

काठमाडौं ४ बाट विजयी भएपछि उनले भने, ‘यो निर्वाचनले स्थिर सरकार मात्रै होइन । देश हाँक्ने उपयुक्त चालक पनि खोजेको छ । त्यो हाम्रो पार्टीले मात्रै दिन सक्छ । हामीले पार्टीलाई एकताबद्ध गरेर नयाँ नेतृत्व दिन आवश्यक छ । त्यो यो निर्वाचनको मतले देखाइसकेका छन् ।’

गठबन्धनले बहुमत प्राप्त गर्दै गठबन्धन नेतृत्वको सरकार बन्ने जिकिर गरे । जनतामा देखिएको आक्रोश र निराशालाई व्यवस्थापन गर्नु नै आगामी सरकारको चुनौती रहेको बताए ।

काठमाडौं ४ का मतदाताहरुको ऋणी भएको बताएका छन् । आफूलाई निर्वाचित गर्ने मतदाताको विश्वासमा ठेस लाग्ने कुनै काम नगर्ने समेत बताए । उनले जनतामा गरेको वाचा पूरा गर्ने प्रतिबद्धता गरे ।