सुगम र अस्मिताको ‘तिमी छौ र त’ सार्वजनिक
भदौ २७, २०७९
गायक सुगम पोखरेल र गायिका अस्मिता अधिकारीको युगल स्वर रहेको गीत ‘तिमी छौ र त’ सार्वजनिक भएको छ । गीतकार सुजन कोइरालाको शब्द र सीडी विजय अधिकारीको संगीत रहेको गीतमा राजु कार्कीको एरेन्ज छ ।
गीतको भिडियोमा पछिल्लो समयका लोकप्रिय जोडी आकाश श्रेष्ठ र करुणा श्रेष्ठको अभिनय छ । प्रहिल कार्कीको निर्देशन रहेको भिडियो आकाश र करुणाको प्रेम देखाउन खोजिएको छ । उत्तम हुमागाईको छायांकन, सुरेन्द्र बसेलको कोरियोग्राफी रहेको भिडियोको सम्पादन माधव बेलबासे हुन् । भिडियो युट्युवबाट सार्वजनिकलगतै सबैको रोजाइमा पर्न सफल भएको छ ।
