अनलाइन माध्यमबाट तुलसीपुरमा कक्षा ८ को नतिजा सार्वजनिक
बैशाख १८, २०७७
तुलसीपुर उपमहानगरपालिका शिक्षा महाशाखाले लिएको नगरस्तरीय आधारभूत तह कक्षा ८ को नतिजा सार्वजनिक गरिएको छ ।
लकडाउनलाई ध्यानमा राखी उपमहानगरपालिकाले अनलाइनबाट नतिजा सार्वजनिक गरिएको हो ।
कोरोना भाइरस संक्रमणका कारण निर्धारित समयभन्दा अगावै गत फागुन २८ गतेदेखि चैत ५ गतेसम्म परीक्षा सञ्चालन भएको थियो । एकतीस सामुदायिक विद्यालय र ५६ संस्थागत विद्यालय परीक्षामा समावेश भएका थिए ।
परीक्षा समितिका सदस्य सचिव चक्र भण्डारीका अनुसार सामुदायिकबाट एक हजार ९७३ र संस्थागतबाट दुई हजार ६७ विद्यार्थी परीक्षामा सहभागी थिए ।
परीक्षामा दुई हजार २३५ छात्रा र एक हजार पाँच छात्र समावेश भएका थिए ।
