दाङका सबै नाका बन्द
बैशाख ०५, २०७७
बैशाख, ५ । कोरोना भाइरस (कोभिड–१९) को संक्रमण रोक्न तथा सीमा नाकामा सुरक्षा व्यबस्था थप सुदृढ गर्न भारतसँग सिमा जोडिएका दाङका सबै नाकाहरु अनिश्चितकालका लागि पूर्णरुपमा बन्द गरिएको छ ।
यसअघि जिल्लामा १० ठूला नाकाहरुमध्ये ७ वटा नाका सिल गरिएकोमा आज शुक्रबारबाट थप ३ वटा नाका पनि सिल गरिएसँगै दाङका सबै नाकाहरु पूर्ण रुपमा बन्द भएको प्रमुख जिल्ला अधिकारी गोविन्दप्रसाद रिजालले जानकारी दिए ।
उनका अनुसार भारतसँग सिमा जोडिएको प्रमुख नाका रुपमा रहेका कोइलावास नाकासहित साना ठूला गरी ३१ नाकाहरु अब अनिश्चितकालका लागि बन्द भएको छ ।
जिल्लाको ८३ किलोमिटर क्षेत्रमा रहेका नाकाहरुमा सशस्त्र प्रहरीको टोली खटाइएको छ ।
