वर्षाले सन्दीप आवद्ध जमैकाको खेल बिथोलियो
भदौ १९, २०७७
काठमाडौँ — क्यारेबियन प्रियिमर लिगमा बिहीबार जमैका तलाबाज र सेन्ट किट्स एन्ड नेभिस प्याट्रियट्सबीचको खेल वर्षाले बिथोलिएको छ । पहिले ब्याटिङ गरेको सेन्ट किट्सको इनिङ्समा ५.४ ओभर मात्र सम्भव भएको थियो ।
पानी परेपछि खेल रद्द हुनुअगाडि सेन्ट किट्स त्यस अवधिमा विना विकेटको क्षति ४६ रन बनाएको थियो । यो नतिजापछि उसको प्रतियोगिताको सेमिफाइनल पुग्ने सम्भावना समाप्त भएको छ ।
नेपाली लेग स्पिनर सन्दीप लामिछाने सम्मिलित जमैका भने ८ खेलबाट ७ अंकसहित चौथो स्थानमा रहेको छ ।
