रमेश र मेलिनाले ल्याए नयाँ गीत ‘मकै पिन्नु जाँतोमा’
बैशाख ०४, २०७९
गायिका मेलिना राई र गायक रमेश राईको स्वर रहेको गीत ‘मकै पिन्नु जाँतोमा’ सार्वजनिक भएको छ । प्रेमिल शैलीको गीतमा निशा नेम्वाङको शब्द, बिष्णु पोल्वाङ्छा चाम्लिङ राईको संगीत रहेको छ भने संगीत संयोजन राजु कार्कीले गरेका छन् ।
म्युजिक भिडियोमा बिना राउत, सुन्दर घलान र रमेश राईको अभिनय देख्न सकिन्छ । सनम तामाङको छायाङ्कन रहेको भिडियोमा केशवराज भट्टको कोरियोग्राफी छ । अर्जुन खड्काको सम्पादन र निर्देशनमा भिडियो तयार भएको हो ।
