समिट अपार्टमेन्टको वैधानिकता छानविन गर्न सांसद कार्कीको माग
चैत २९, २०७९
![](http://sampurnakura.com/wp-content/uploads/2023/04/Toshima-Karki-1024x576.jpg)
राष्ट्रिय स्वतन्त्र पार्टीका सांसद डाक्टर तोसिमा कार्कीले प्रकृया नै पूरा नगरी अगाडि बढाइएको समिट अपार्टमेन्ट निर्माणका कारण भएको दुर्घटनाको छानविनका लागि संसदीय समिति बनाउन माग गरेकी छन् । बुधबार प्रतिनिधि सभाको शून्य समयमा बोल्दै सांसद कार्कीले नक्सापास, इआइए र स्थानीयको सहमतिविना नै समिट अपार्टमेन्ट निर्माण गरिएकाले दुर्घटना भएको बताउँदै तत्काल समिति बनाएर छानविन गर्न माग गरेकी हुन् ।
उनले दोषीलाई कडा कारबाही र पीडितलाई क्षतिपूर्ति दिन पनि माग गरेकी छन् । दोषीलाई कारबाही र क्षति भएका पीडितवर्गलाई क्षतिपूर्ती र जोखिममा भएका घरहरूको संरक्षण आजबाटै सरू गरियोस्, कार्कीले भनिन् । कार्कीले समिट अपार्टमेन्टसहित देशभर निर्माण भइरहेका होटल र अपार्टमेन्टहरूको वैधानिकता खोज्नुपर्ने बताएकी छन् । यसका लागि सभामुखको निर्देशन पनि माग गरिन् ।