तुलसीपुर पुलचोकका तीन पसलमा चोरी -

तुलसीपुर पुलचोकका तीन पसलमा चोरी

चैत २४, २०७६

तुलसीपुरका तीन पसलमा चोरी भएको छ । तुलसीपुर बसपार्क पुलचोक आसपासका तीनवटा पसलमा गएरातिचोरी भएको हो ।लकडाउनको मौका छोपी गएराति प्रेम बाँठाको मदिरा डिलर, पुलपारी एउटा फेन्सि पसल र अर्कौ एउटा श्रीङगारपसलमा चोरी भएको छ ।

तुलसीपुर बसपार्कका असई सोमराज हमालले मध्यराततिर चोरी भएको हुन सक्ने जानकारी दिए ।

‘बाँठाले ५० देखि ६० हजार सम्मको मदिरा चोरी भएको भन्ने जानकारी दिनुभएको छ,’ हमालले भने ‘ अरु दुईवटा पसलमा कति चोरीभयो अझैं खुल्न सकेको छैन।’

चोरले ती पसलका सटरमा लगाएको ताला फोडेर चोरी गरेको देखिएको छ । पसलमा भएको चोरीको घटनावारे जाहेरी दिन पीडितहरुसोमवार विहान इलाका प्रहरी कार्यालय तुलसीपुर पुगेका छन् ।

यसैबीच प्रहरी असई हमालले आफुले सोमवार विहान ४ बजेतिर मात्रै दुई बालकलाई चोरी गरेको आशंकामा पक्राउ गरेको जानकारीदिएका छन् । पक्राउ परेका मध्य एकजना १० बर्ष र अर्कौ १५ बर्षका बालकहरु रहेको असई हमालले बताए । पक्राउ परेका दुबैजनालाई इप्रका तुलसीपुरमा राखिएको छ । एउटालाई पसलमा चोरी गर्दै गरेको आशंकामा र अर्कौलाई होटेलमा चोरी गर्दै गरेको जस्तोदेखिएपछि आफुले उनीहरुलाई नियन्त्रणमा लिइएको असई हमालले बताए ।

उनीहरु नाबालक रहेको हुँदा नाम भने गोप्य नै राखिएको छ । प्रहरी आफैले पनि मदिरा लगाएका बस्तुहरु चोरी भएको हुँदा त्यसमा तीबालकको संलग्नता छैन कि भन्ने अनुमान गरेको छ ।