टोपबहादुर रायमाझीलाई तीन दिन थुनामा राख्न अनुमति
जेठ ०१, २०८०
![](https://sampurnakura.com/wp-content/uploads/2023/05/topbahadur-rayamajhi-11684141607-1024x683.jpg)
जेठ १, नक्कली भुटानी शरणार्थी प्रकरणमा पक्राउ परेका एमालेका निलम्बित सचिव टोपबहादुर रायमाझीलाई तीन दिन हिरासतमा राखेर अनुसन्धान गर्न अनुमति दिइएको छ । सोमबार जिल्ला अदालत काठमाडौंका न्यायाधीश केशवप्रसाद अधिकारीको इजलासले रायमाझीलाई तीन दिन हिरासतमा राखेर अनुसन्धान गर्ने प्रहरीलाई अनुमति दिएको हो ।
रायमाझीलाई आइतबार राति बूढानीलकण्ठबाट प्रहरीले पक्राउ गरेको थियो । आइतबार पक्राउ परेका रायमाझीलाई प्रहरीले सोमबार म्याद थपका लागि जिल्ला अदालत काठमाडौंमा उपस्थित गराएको थियो । नक्कली भुटानी शरणार्थी प्रकरणमा मुछिएपछि रायमाझीलाई पक्राउ गर्न २० वैशाखमा पक्राउ पुर्जी जारी भएको थियो । तर, २१ वैशाखको दिउँसो आफैँ हाजिर हुने बताएका रायमाझी त्यसपछि फरार भएका थिए ।