शाहरुख खानः ५५ वर्षका भए ‘किङ अफ रोमान्स’
कार्तिक १७, २०७७
बलिउडमा किङ अफ रोमान्स मानिने सुपरस्टार शाहरुख खान नोभेम्बर २ तारिखमा ५५ वर्ष पुगेका छन् ।
उनका प्रशंसकका लागि यो दिन कुनै उत्सवभन्दा कम हुँदैन । हरेक वर्ष हज्जारौंको संख्यामा शाहरुखका प्रशंसक उनको जन्मदिनमा आफ्नो सुपरस्टारको एक झलक पाउनका लागि उनको घर ‘मन्नत’ को अगाडि घण्टौं उभिने गर्छन् ।
र शाहरुख खान पनि उनीहरुलाई दुःखी नबनाई आफूलाई माया गर्नेहरुलाई अभिवादन गर्न बाहिर निस्कने गर्छन् ।
तर यो वर्ष कोरोना महामारीका कारण शाहरुख खान आफ्ना प्रशंसकलाई भर्चुअली नै भेटघाट गर्ने तयारीमा छन् ।
टिभीको सुनौलो समयमा अभिनयको दुनियाँमा कदम राख्ने शाहरुद खानले फौजी र सर्कसबाट आफ्नो करियरको सुरुवात गरेका थिए ।
आफ्नो ३० वर्षको फिल्मी करियरमा शाहरुख खानले थुप्रै अविष्मरणीय फिल्ममा अभिनय गरेका छन् जसले हिन्दी फिल्म उद्योगमा गहिरो छाप छोडेको छ ।
