जापानमा आपतकालको घोषणा
बैशाख ०५, २०७७
कोरोना भाइरसको संक्रमण बढेपछि जापानमा देशव्यापी आपतकालीन अवस्था घोषणा गरिएको छ। देशव्यापी आपतकालीन अवस्था आउँदो मे ६ सम्म जारी रहने जापान सरकारले जनाएको छ।
यसअघि अप्रिल ८ मा प्रधानमन्त्री शिन्जो आबेले देशका सात क्षेत्रमा एक महिनाका लागि आपतकालीन अवस्था लागु गरेका थिए।
जापानमा हालसम्म कोरोना भाइरसको संक्रमणबाट मृत्यु हुनेको संख्या १९० पुगेको छ भने संक्रमितको संख्या ९ हजार २३१ पुगेको छ ।
