आज देशका यी स्थानमा ठुलो पानी पर्ने, सतर्कता अपनाउन आग्रह
![](http://sampurnakura.com/wp-content/uploads/2020/09/1598491318-hqWuS.jpg)
काठमाडौं – आइतबार देशभर सामान्य बदली रही पानी पर्ने सम्भावना रहेको छ । अहिले देशभर सामान्य बदली रही प्रदेश १, बागमाती प्रदेश, प्रदेश २, गण्डकी प्रदेश र प्रदेश ५ का केही स्थानमा मेघगर्जन र चट्टयाङसहित पानी परिरहेको छ ।
जल तथा मौसम विज्ञान विभागका अनुसार आज दिउँसोपछि देशका विभिन्न स्थानमा सामान्यतया बदली रहि केही स्थानमा मेघगर्जन र चट्टयाङसहित हल्का देखि मध्यम पानी पर्ने सम्भावना रहेको छ । भने प्रदेश १ , प्रदेश २, बागमती प्रदेश, गण्डकी प्रदेश र प्रदेश ५ का केही स्थानमा ठुलो पानी पर्ने सम्भावना रहेको मौसम विभागले जनाएको छ ।
त्यस्तै आज राती पनि देशभर सामान्यतया बदली रही केही स्थानहरूमा मेघगर्जनसहित पानी पर्ने समभावना रहेको छ भने प्रदेश १, बागमती प्रदेश, प्रदेश २, गण्डकी प्रदेश र प्रदेश ५ का केही स्थानमा ठुलो पानी पर्ने सम्भावना रहेको छ ।
देशका विभिन्न स्थानमा बदली रही नदीमा पानीको बहाव बढ्ने र पहाडी क्षेत्रमा पहिरो जान सक्ने भएकोले सतर्कता अपनाउन मौसम विभागले अनुरोध गरेको छ ।