तारा एअरद्वारा पोखरा–जोमसोम उडान एक हप्ताका लागि स्थगित
जेठ २०, २०७९
![](http://sampurnakura.com/wp-content/uploads/2022/06/tara_air-1.jpg)
काठमाण्डौ २० जेठ ।
यती एअरलाइन्सको भगिनी संस्था तारा एअरले पोखरा–जोमसोम उडान एक हप्ताका लागि स्थगित गरेको छ । एअरलाइन्सले आजदेखि २७ गतेसम्मका लागि पोखरा–जोमसोम–पोखराका नियमित उडान स्थगित गरेको हो ।
यती एअरलाइन्सका प्रवक्ता एवम् हवाई सुरक्षा प्रमुख सुदर्शन बर्तौलाले तारा एअरले विशेष कारणवश पोखरा–मुस्ताङको टिकट बन्द गर्ने निर्णय गरेको बताउनुभयो ।
गएको आइतवार पोखराबाट जोमसोम उडेको तारा एअरको जहाज मुस्ताङको थासाङ गाउँपालिका–२ सानुसरेमा दुर्घटना हुँदा चालकदलका सदस्यसहित विमानमा सवार सबै २२ जनाको निधन भएको छ ।