लायन्स क्लब ईशान द्वारा विद्यार्थीका लागि न्यानो कपडा वितरण
पुष १५, २०८१
दाङ १५, पौष तुलसीपुर उपमहानगरपालिका वडा नं.७ मा रहेको मा वि कालाखोलामा अध्ययनरत १४ जना विद्यार्थीलाई न्यानो कपडा वितरण गरिएको छ । लायन्स क्लब अफ तुलसीपुर ईशानले विद्यार्थीहरूलाई न्यानो कपडा वितरण गरेको हो ।
गरिब, विपन्न, जेहेन्दार तथा आर्थिक अवस्था कम्जोर भएका विद्यार्थीको पहिचान गरी न्यानो कपडा वितरण गरेको लायन्स क्लब अफ तुलसीपुर इशानका उपाध्यक्ष दिपक के सी ले जानकारी दिनुभयो । क्लवका अध्यक्ष रमेश रेग्मीकाे अध्यक्षता, तुलसीपुर उपमहानगरपालिका वडा नम्बर ७ का वडा अध्यक्ष राम बहादुर जिसीको प्रमुख आथित्यता तथा मा.वि.कालाखोलाका प्रधानाध्यापक राजीव ओझाको विशिष्ट आथित्यतामा कार्यक्रम सम्पन्न भएको थियो ।
साे अवसरमा वाेल्दै प्रमुख अतिथि जिसीले ग्रामीण क्षेत्रको विद्यालयमा आएर संस्थाले गरेको योगदानको प्रशंसा गर्दै आगामी दिनमा पनि सहयोगको अपेक्षा राख्नुभएको थियाे । विद्यार्थी र विद्यालयको आवश्यकतालाई मध्यनजर गरेर न्यानो कपडा वितरण गरेकोमा मावि कालाखोलाका प्रधानाध्यापक राजिव ओझाले संस्थालाई धन्यवाद व्यक्त गर्नुभयो । न्यानो कपडा वितरण कार्यक्रमका संयोजक एकराज देवकोटाको स्वागत मन्तव्यबाट सुरु भएको कार्यक्रमको सहजीकरण संस्थाका सचिव केशवराज न्यौपानेले गर्नुभएको थियो ।
