सुनिता दुलालको तीज गीत ‘बेसी मेलैमा’ सार्वजनिक (भिडियो)
साउन २१, २०७७
काठमाडौं । नजिकिँदै गरेको तीजलाई लक्षित गर्दै गायिका सुनिता दुलालले नयाँ गीत ‘बेसी मेलैमा’ सार्वजनिक गरेकी छन् । मायाप्रेम र समाजको चित्रण गरिएको गीतमा गायिका दुलाललाई स्वरमा खुमन अधिकारीले साथ दिएका छन् । गीतमा युवाहरुलाई मातृभूमिमै बसेर कुटो कोदालो गर्न समेत अभिप्रेरित गरिएको छ ।
नेत्र अर्यालको शब्द रहेको गीतमा कृष्ण वि.क. भान्जाको संगीत संयोजन छ ।
गीतको भिडियो समेत बनेको छ । जसमा अभिनेता दिलिप रायमाझी, अभिनेत्री नम्रता सापकोटाको अभिनय देख्न सकिन्छ ।
भिडियोमा गायक गायिका सुनिता र खुमन देखिएका छन् । ज्ञानेन्द्र शर्माको छायांकन, नविन निरौलाको सम्पादन रहेको भिडियोको कोरियोग्राफी एवं निर्देशन शिव विकले गरेका हुन् ।
