सुनिताको ‘तिमी बिना’मा अनिल र जुनाकाे रोमान्स
बैशाख ११, २०७९
बिक्रम परियार र सुनिता बुढा क्षेत्रीको आवाजमा रहेको लोक दोहोरी गीत ‘तिमी बिना हाँसेर हिड्न’को भिडियो सार्वजनिक भएको छ । गीतमा डा. शिव सुवेदीको शब्द तथा संगीत छ ।
२०६५ सालमा आएको ‘घामजस्तो चम्किलो जुन हुदैन’ गीत पछि शिवका गीत प्रायः लोकप्रिय बनेका छन् । बिनोद भण्डारीको निर्देशन रहेको भिडियोमा अनिल पौडेल र जुना गुरुङको अभिनय देख्न सकिन्छ । गीतमा युवा–युवतीबीचको प्रेम, समाज र परिवारले गर्ने व्यवहार देखाउन खोजिएका छ ।
बाग्लुङ जिल्लाको सुन्दर गाउँ निसिखोला गाउँपालिकामा छायांकन गरिएको भिडियोमा मनोज कार्की सम्पादन छ । गीतको एरेन्ज बिनोद बाजुरालीले गरेका हुन् ।
