इटालियन गायिका फेडस्टारको भिडियोकाे निर्देशक नेपाली कुशल
जेठ ०८, २०७९
इटालियन गायिका तथा लेखीका फेडस्टारको गीतको म्युजिक भिडियो निर्देशन अवसर नेपाली निर्देशक कुशल श्रेष्ठले पाएका छन् । बेलायतमा रहेर नेपाली म्युजिक भिडियो निर्माणमा सक्रिय श्रेष्ठले पहिलो चोटी इटालियन गायिकाको अंग्रेजी गीतको भिडियो निर्देशन अवसर पाएका हुन् ।
भिडियोमा श्रेष्ठले गायिकालाई नै अभिनय गरेका छन् । लेखीका समेत रहेकी फेडस्टारलाई अभिनय गराएको भिडियो सेन्ट्रल लन्डन आसपासमै छायांकन गरिएको छ । । भिडियो केही दिनमा सार्वजनिक हुने उनले बताए । ५ वर्षको उमेरदेखि गायन प्रतियोगिता मार्फत गायनमा होमिएकी गायिका फेडस्टार गायनको अलवा बेली डान्समा समेत पोख्त छिन् । भिडियोमा फेडस्टारलाई जोन फ्रयाङ्कले अभिनयमा साथ दिएका छन् । जोबिना हार्डीको मेकअप, फेडेरिका अन्ना सेटेमब्रीनी कार्यकारी निर्माता रहेको भिडियोमा स्पेनिस भाषाका र्यापर जोन फ्र्याङकको समेत अभिनय रहेको निर्देशक श्रेष्ठले बताए ।
‘करिब २ दशकको निर्देशकिय करिअरमा पहिलो पटक अंग्रेजी म्यूजिक भिडियोको निर्देशन, छायांकन र सम्पादनको अवसर पाएको छु’, कुशलले भने ‘यो मेरा लागि अवसर र चुनौती दुवै हो ।’ भारतीय, बंगाली, पाकिस्तानीका साथै केही अंग्रेजी प्रोजेक्टमा समेत काम गरेका कुशलले भिडियोको सम्पुर्ण जिम्मा लिएर आफैले काम गरेको यो पहिलो विदेशी भएको खुलाए । श्रेष्ठलाई इटालियन गायिकाको भिडियो निर्देशनका लागि एक पन्जावी गायकले सिफारिस गरेका हुन् । पन्जाबी गीतको कामबाट प्रभावित भएर उनलाई सिफरिस गरिएको बताइन्छ ।
