अमर वान्तुको नयाँ गीत ‘काठे भाकैले’ सार्वजनिक
साउन ०२, २०७९
गीतकार तथा कवि अमर वान्तुको नयाँ गीत ‘काठे भाकैले’ सार्वजनिक भएको छ । सन्तोष श्रेष्ठको संगीत, तारावीर पाण्डे, अस्मिता अधिकारी, सन्तोष श्रेष्ठ र सहिमा श्रेष्ठको स्वर, राजु कार्कीको एरेन्ज एवं प्रकाश मिश्रको मिक्सिङ तथा माष्टरिङ रहेको गीतको भिडियो सार्वजनिक भएको हो ।
गम्भीर विष्टको निर्देशन रहेको भिडियोमा आर्यन खरेल र सिर्जना श्रेष्ठको अभिनय छ । नवराज उप्रेतीको छायाङ्कन रहेको भिडियोमा नवीन निरौलाको सम्पादन छ । ‘एउटा राम्रो गीत र यसको भिडियो बनेको छ, श्रोता÷दर्शकले मन पराउनेमा आशावादी छौं’, सर्जक वान्तुले भने । गीतको भिडियो ओएसआर डिजिटलमार्फत सार्वजनिक गरिएको छ ।
वान्तुका ‘परिभाषाका राँटाहरू’ (केही गीत, केही कविता) संग्रह र ‘अमर भावना’ र ‘अमर भावना–२’ एल्बम पाठक÷श्रोता र दर्शकमाझ आएका छन् । उहाँका थुप्रै फुटकर गीत, कविता र गजल पनि सार्वजनिक छन् ।
