गोपालले ल्याए गाईजात्रे गीत ‘के भो के भो’
साउन २०, २०७९
गाईजात्रा नजिकिँदै गर्दा गाईजात्रे कमेडी गीत सार्वजनिक हुने क्रम बढ्न थालेका छन् । यस्तैमा कलाकार गोपाल तिमल्सिनाले पनि कमेडी गति ‘के भो के भो’ सार्वजनिक गरेका हुन् ।
तिमल्सिनाले अहिलेको समसामयिक राजनीतिक घटनालाई ब्याङ्ग्यको रुपमा प्रयोग गरेर यो गीत ल्याएका हुन् । गीतमा तिमल्सिनाकै स्वर, शब्द, लय रहेको छ । भिडियोमा अभिनय र निर्देशन समेत उनी आफैले गरेका छन् ।
तिमल्सिनाले गत वर्ष ‘खै के खै के’ बोलको गीत ल्याएका थिए । जसमा विकास कार्की, राजकुमार श्रेष्ठ, राम तिमल्सिनाको समेत अभिनय थियो । गीतमा लय, शब्द तथा स्वर भने उनकै थियो ।
देशको समसामयिक राजनीतिक, राजनीतिक दल र विकृति विसंगतिप्रति तिखो प्रहार ‘खै के खै के’ मा पनि थियो ।
