नवीनको नयाँ गीतमा स्वीकृतिको नृत्य
भदौ ०१, २०७९
चर्चित लोक तथा दोहोरी गायक नवीन पौडेलको नयाँ गीत ‘हरहर बासना अगरबत्तीको’ सार्वजनिक भएको छ । गीत गायनमा पौडेललाई आशा बिसीले स्वरमा साथ दिएकी छन् । गायक पौडेलकै शब्द तथा रवि कार्कीको लय रहेको गीतको एरेन्ज कृष्ण केसीले गरेका हुन् ।
गीतको म्युजिक भिडियो पनि बनेको छ । जसमा स्वीकृति पौडेलको आकर्षक नृत्य देख्न सकिन्छ । स्वीकृतिलाई सन्तोष शर्माले साथ दिएका छन् । स्वीकृति गायक पौडेलकी छोरी हुन् । कक्षा ८ मा अध्ययनरत पौडेलको भिडियो अभिनय र नृत्य सुहाउँदो छ ।
स्वीकृतिले यस अगाडि गायक पौडेलकै गीत ‘बोल्नुपर्छ ओइ’ ‘लेउ खुकुरी लेउ’, ‘पर्यो देशलाई चोट’ जस्ता गीतको भिडियोमा समेत अभिनय गरिसकेकी छन् । बुटवलका आसपासका स्थानमा छायाङ्कन भएको भिडियोको निर्देशन बिष्णु भट्टराइले गरेका हुन् ।
