नायक पल शाह आईतवार नारायणपुरको भिएफएक्स सिनेमाजमा आउदै
![](https://sampurnakura.com/wp-content/themes/sampurnakura/images/sidelogo.png)
![](https://sampurnakura.com/wp-content/uploads/2024/05/paul-1-1024x679.jpg)
जेठ १० गतेदेखि अल नेपाल रिलिज भएको चलचित्र पुजार सार्कीको प्रचार प्रसारका लागि नायक पल शाह सहितको टिम आईतवार दाङको नारायणपुर स्थित भिएफएक्स सिनेमाजमा आउदै छन् । जेठ २० गते आईतवारका दिन नायक पल शाह भिएफएक्स सिनेमाज नारायणपुरमा आउन लागेको हल संचालक विजय रावतले जानकारी दिए । उनले चलचित्रका नायक संग संगै बसेर फिल्म हेर्नका लागि दर्शकहरुलाई आग्रह समेत गरेका छन् ।
![](http://sampurnakura.com/wp-content/uploads/2024/05/IMG_8632-1024x577.jpeg)
नायक पल शाहले पनि आफ्नो फेसवुक मार्फत गृह जिल्ला दाङमा आउन लागेको र सम्पूर्ण चलचित्रप्रेमी जिल्लावासीहरुलाई हलसम्म आउन आग्रह गरेका छन् । चलचित्र पुजार सार्कीका मिडिया कोर्डिनेटर जिवन पराजुलीले दाङ जिल्ला नायक पल शाहको आफ्नै गृह जिल्ला समेत भएकाले आईतवार पुजार सार्कीको टिमलाई दर्शकले राम्रो साथ दिने विश्वास व्यक्त गरे । चलचित्र पुजार सार्की जातिय विभेद बिरुद्धको सामाजिक कथा हो । दिनेश राउतको निर्देशन रहेको ‘पुजार सार्की’मा आर्यन सिग्देल, प्रदीप खड्का, पल शाह, अञ्जना बराईली र परीक्षा लिम्बूको मुख्य भूमिका छ ।
![](https://sampurnakura.com/wp-content/uploads/2024/05/20240411065640_d7mbv4zDz3-1024x512.jpg)