रानीको ‘आमा’ मा गौरी र गीताको ममता
बैशाख १२, २०७९
मातातीर्थ औँसी अर्थात आमाको मुख हेर्ने दिन नजिकिँदै जाँदा गीत संगीतमा पनि आमाको माया र मर्म बोल्ने भावहरु व्यक्त हुन थालेका छन् । यसैबीच, गायिका रानी शाक्यले ‘मेरी आमा’ बोलको गीत सार्वजनिक गरेकी छिन् । यो गीतमा सन्तोष आलेको शब्द तथा संगीत छ । गीतमा छोरीले आफ्नी आमालाई गर्ने प्रेम र आमाको महिमालाई प्रस्तुत गरिएको छ ।
गौरी मल्ल, गीता ढुंगाना, विजय राज भुर्तेल, निरिस्का स्थापितको अभिनय भिडियोमा देख्न सकिन्छ । नमराज घिमिरेको छायांकन रहेको भिडियोमा विजयराजको सम्पादन छ । भिडियोको निर्देशन देव धिमालले गरेका हुन् ।
