विश्व कप छनौट : उरुग्वेको सानदार जित
कार्तिक २९, २०७७
काठमाडौँ । दक्षिण अमेरिकी क्षेत्रको विश्व कप छनौटमा शनिवार बिहान भएको खेलमा उरुग्वेले सानदार जित निकालेको छ । निकै रोमान्चक बनेको उक्त खेलमा उरुग्वेले कोलम्बियालाई ३(० गोलले पराजित गरेको हो ।
उक्त खेलमा उरुग्वेलाई जिताउन एडिनसन कभानी, लुइस स्वरेज र डरविन नुनेजले एक एक गोल गरेका थिए । उक्त खेलको पाँचौ मिनेटमा उरुग्वेका एडिनसन कभानीले गोल गरी टिमलाई अग्रता दिलाए ।
त्यसपछि दोस्रो हाफमा खेलको ५४औं मिनेटमा लुइस स्वरेजले र ७३औं मिनेटमा डरविन नुनेजले गोल गरी उरुग्वेलाई जित दिलाए । यो जितसंगै उरुग्वे ३ खेलमा ६ अंक जोड्दै चौथो स्थानमा रहेको छ ।
