रानीको ‘म त तिम्रै हुँ’ मा केकी र निक्सको केमेस्ट्री
चैत ३०, २०७८
गायिका रानी शाक्य र गायक प्रकाश तिमल्सिनाको स्वर रहेको गीत ‘म त तिम्रै हुँ’ सार्वजनिक गरिएको छ । मदन घिमिरेको शब्द रहेको यो गीतमा मनोज मालीको संगीत छ । गीत रोमान्टिक शैलीमा तयार पारिएको छ ।
गीतको भिडियोमा अभिनेत्री केकी अधिकारी र मोडल निक्स शर्माको अभिनय छ । रामेश्वर हुमागाँइको छायाङ्कन रहेको भिडियोमा अनन्त घिमिरेले सम्पादन गरेका हुन् ।
भिडियो फिल्म निर्देशक मदन घिमिरेले निर्देशन गरेका हुन् । घिमिरेले केकी र निक्सको रोमान्टिक केमेस्ट्री देखाएका छन् । अमेरिकामा रहेर पनि रानी गायनमा क्रियाशील रहँदै आएकी छन् ।
