संचार माध्यम र संचार कर्मी लोकतन्त्रका बलिया खम्बा हुन : राजु खनाल
असोज २०, २०८०
दाङ २०, लुम्बिनी प्रदेशका स्वाथ्यमन्त्री राजु खनालले संचार माध्यम र संचार कर्मी लोकतन्त्रका बलिया खम्बा भएको बताएका छन् । कसैको दवाब र प्रभावमा नपरी सत्य र तथ्यका आधारमा आम नागरीकलाइ सुशुचित पार्ने काममा महत्वपुर्ण भूमिका संचारकर्मी र संचार माध्यमको भएको पनि उनले बताए । प्रेस युनियन दाङले जनप्रतिनिधी तथा पार्टि पदाधीकारी संग गरेको अन्तरक्रियात्मक कार्यक्रममा प्रमूख अतिथि स्वास्थ्य मन्त्री खनालले नागरीकका पक्षमा लुम्बिनी प्रदेश सरकार लागि परेको र त्यसमा कमीकमजोरी रहे त्यसको खबरदारी गर्ने काम संचारमाध्यम र संचारकर्मीले गर्नु पर्ने बताए ।
कार्यक्रममा बिशिष्ट अतिथि नेपाली काग्रेस दाङका सभापति शंकरप्रसाद डाँगीले पार्टि तथा जनप्रतिनिधीहरुले गरेका राम्रा कामको नागरीकसंम्म प्रचारप्रसार र भएगरेका कमी कमजोरीको खवरदारी संचारकर्मीले गर्नुपर्ने बताए । त्यसैगरी कार्यक्रममा लमही नगरपालिकाका प्रमूख जोगराज चौधरी, उपप्रमूख लक्ष्मी योगी, शान्तिनगर गाँउपालिकाका प्रमूख प्रमोद बस्नेत दंगिशरण गाँउपालिकाका प्रमूख शम्भु गिरी, बबई गाँउपालिकाका प्रमूख कुलबहादुर खत्री तथा बंगलाचुली गाँउपालिका उपप्रमूख भक्तबहादुर जिसीले आम नागरीकले तिरेको करमा धेरैको रजाँइ भएको भन्दै त्यसको खबरदारी तथा व्यवस्थापनमा जनप्रतिनिधी तथा संचारकर्मीहरु एक भएर लाग्नु पर्ने बताए । कतिपय स्थानिय तहमा जनप्रतिनिधीका स्वच्छाचारी प्रवृत्तिले सबै जनप्रतिनिधीहरुको बदनाम भएको भन्दै राम्रो काम गर्नेको प्रसंशा र नराम्रोको खवरदारी गरेर नागरीकलाई सचेत बनाउन संचारकर्मीहरुलाई आग्रह पनि गरे ।
कार्यक्रममा प्रेस युनियन लुम्बिनी प्रदेश अध्यक्ष सुदिप गौतमले कहिँ कतै भएका थोरै गल्ती कमजोरीहरु बाहिर आउँछन कि भन्ने डरका कारण स्थानिय तहहरुले गरेको राम्रा कामहरुपनि लुकाउने गरेको बताए । हरेक स्थानिय तहहरु वडास्तरदेखी नै पत्रकार उत्पादनमा लाग्नुपर्ने, संचारमाध्यमको दिगोपनाका लागि निति निमार्णमा ध्यान दिनु पर्ने र तथ्य र तथ्याङ्कमा स्थानिय तह पारदर्शी बन्नुपर्ने लगाएतका कुरामा जनप्रतिनिधीहरु स्पष्ट हुनु पर्ने बताए । संचारमाध्यम र संचारकर्मी सबैको र सधैको प्रतिपक्षि हुने भन्दै त्यसरी नै बुझन र भएका सुचानाहरु नागरीकहरु सम्म पुराउने पत्रकारको काममा सहयोग गर्न पनि जनप्रतिनीधिलाई आग्रह गरे ।
प्रेस युनियन दाङका अध्यक्ष नारायण खड्काको अध्यक्षतामा भएको कार्यक्रममा प्रेस युनियन दाङका सल्लाहका सन्तोष सुवेदी, लिला शाह, युनियन दाङका उपाध्यक्ष गोपाल शर्मा भट्टराई, पार्वती वस्नेत, पत्रकार महासंघ दाङका सचिब आर .के. सितल लगाएतले आ-आफ्नो धारणा राखेका थिए भने कार्यक्रमको सहजिकरण सचिव अमर क्षितिज भण्डारीले गरेका थिए ।
