विश्व चर्चित खेलाडी क्रिस्टियानो रोनाल्डोलाई कोरोना संक्रमण
असोज २८, २०७७
काठमाडौं – विश्व चर्चित खेलाडी तथा पोर्चुगल राष्ट्रिय फुटबल टोलीका कप्तान क्रिस्टियानो रोनाल्डोलाई कोरोनाभाइरसको संक्रमण देखिएको छ ।
उनलाई मंगलबार कोरोनाभाइरसको संक्रमण पुष्टि भएको हो । रोनाल्डोमा कोरोनाको कुनै लक्षण नदेखिएको पिएफएफले जनाएको छ । उनी अब होम आइशोलेशनमा बस्ने बताइएको छ ।
कोरोना पुष्टि भएका कारण अब उनले नेसन्स लिगअन्तर्गत बिहीबार हुने स्वीडेनसँगको खेल गुमाउने बताइएको छ । यसअघि जमैकाका धावक उसेन बोल्ट लगायतका खेलाडीमा पनि कोरोना संक्रमण देखिएको थियो ।
